બાળકોને 'બિચારા' માણવાની ભૂલ કરી બેઠેલા શિક્ષકો પણ પ્રવાસમાં મજાને પ્રાથમિકતા આપીને શૈક્ષણિક હેતુઓને નજરઅંદાજ કરી બેસતા હોય છે. વિગતો-માહિતીના ડોઝને શૈક્ષણિક હેતુમાં ખપાવી દેવાનો કેફ પણ ઓછો નથી હોતો. ' પ્રવાસ દરમ્યાન અન્+આયાસ કેટલીક બાબતો તો શીખાઈ જ જતી હોય છે' : આ હકિકતની રેતમાં મોં સંતાડતા આળશ-મૃગો તો ખરા જ.
સામાન્ય સ્થિતિમાં સામાન્ય કામ આપતી આપણી પંચેન્દ્રિયો પ્રવાસ જેવી જુદી સ્થિતિમાં વધુ સક્રિય ભૂમિકા ભજવતી હોય છે. તો કેમ કરી આ ઈન્દ્રિયો અને તેમની ઉર્જાને શૈક્ષિણક કામે લગાડવી ?
પ્રવાસ પહેલાની પ્રવાસીઓની બેઠકમાં નીચેના ઈંજન વડે ઉર્જાને એક દિશા ચિંધવામાં આવી.
નીચે જેવી વિગતો પર ધ્યાન આપવું અને નોંધી લેવી :
-વાહનોના રસપ્રદ નંબર અને સુત્રો
-પક્ષીઓના રંગ,કદ અને ચાંચનો આકાર
-વૃક્ષો : પરિચિત, અપરિચિત
-કોઈ એક અજાણી વ્યક્તિ સાથે વાત કરવી
-ખેતરમાં શુ હતું?
-સાંભળેલા અવાજો
-પથ્થર,માટી અને પાણીનો રંગ,સ્પર્શ અને સ્વાદ
-કઈ બાબતની નવાઈ લાગી?
-શેનો ડર લાગ્યો?
- કયા પ્રશ્નો થયા?
નોંધપોથી સાથે લેવાઈ અને એમાં નોંધાયું પણ ખરું. સામાન્ય કરતાં ઓછી શૈક્ષણિક ક્ષમતા ધરાવતી એક વિદ્યાર્થીની નોંધનું એક પાનું અહીં શામેલ છે.
શાળા-શૈક્ષણિક સંસ્થા પ્રવાસ યોજે તો એ શૈક્ષણિક હોવો ઘટે, ક્ષણિક મોજ પુરતો નહિ.
No comments:
Post a Comment